Ang Kasunduan sa Trusted Tester na ito (ang "Kasunduan") ay sa pagitan ng Google LLC na may mga tanggapan sa 1600 Amphitheatre Parkway, Mountain View, California 94043, USA ("Google") at ng entity o taong tatanggap sa mga tuntuning ito ("ikaw"). Magkakabisa ang Kasunduang ito sa petsa kung kailan mo ito iki-click para tanggapin (ang "Petsa ng Pagkakaroon ng Bisa").

Kung tatanggapin mo ang Kasunduang ito sa ngalan ng isang entity o organisasyon, isinasaad at pinapatunayan mong: (i) mayroon kang ganap na legal na awtoridad para isailalim ang entity o organisasyong iyon sa Kasunduang ito; (ii) nabasa at nauunawaan mo ang Kasunduang ito; (iii) sumasang-ayon ka, sa ngalan ng entity o organisasyong iyon, sa Kasunduang ito; at (iv) hindi ahensya ng pamahalaan o pampublikong unibersidad ang entity o organisasyong iyon.

Testing Program

Sa pamamagitan ng pagtanggap sa Mga Tuntuning ito, pumapayag kang lumahok sa (mga) testing at development program ng Google ("Testing Program" ang bawat isa) para tulungan ang Google na pahusayin ang mga produkto nito para sa iyo at sa iba pang user ng Google. Posibleng kasama rito ang pagbibigay sa iyo ng access sa ilang partikular na pre-release na produktong hindi pa naaangkop na gamitin sa production environment, kabilang ang, pero hindi limitado sa, pre-release na produkto ng Flow para sa paggawa ng video gamit ang generative AI, mga pre-release na feature ng ImageFX para sa paggawa ng larawan gamit ang generative AI, pre-release ng MusicFX para sa paggawa ng musika gamit ang generative AI, at Output ng mga iyon ("Pansubok na Produkto" ang bawat isa). Kung pipiliin mong lumahok ayon sa Mga Tuntuning ito, posibleng makipag-ugnayan sa iyo ang Google (kabilang na sa email o telepono) tungkol sa Testing Program. Gagamit ka ng isa o higit pang tool sa Pansubok na Produkto para gumawa ng mga video at larawan (sama-samang tinatawag na "Output"). Posibleng mapili kang lumahok sa interview sa user, at pumapayag kang lumahok sa ganoong interview kung mapili ka. Hindi magbibigay ang Google ng anumang bayad para sa paglahok mo sa Testing Program. Kailangang 18 taong gulang pataas ka na para magamit ang Pansubok na Produkto. Susunod ka sa naaangkop na batas sa paggamit ng anumang nabuong content sa Testing Program.

Mga Kasamang Tuntunin

Kasama sa Kasunduang ito ang Mga Tuntunin ng Serbisyo ng Google na nasa https://www.google.com/policies/terms/ at ang Mga Karagdagang Tuntunin ng Serbisyo ng Generative AI na nasa https://policies.google.com/terms/generative-ai. Kung salungat sa Kasunduang ito ang alinman sa mga tuntunin ng serbisyo na iyon, masusunod ang Kasunduang ito.

Lisensya ng Pansubok na Produkto

Pagbibigay ng Lisensya

Bibigyan ka ng Google ng hindi eksklusibo, hindi masa-sublicense, at hindi maililipat na lisensya para gamitin ang mga Pansubok na Produkto sa naaangkop na Testing Program o tuntunin ng Kasunduan (alinman ang mauunang matapos) alinsunod sa mga tuntunin ng Kasunduang ito, kabilang ang mga sumusunod na kundisyon:

Dapat mo lang gamitin ang mga Pansubok na Produkto nang internal at di-komersyal, sa United States;

Dapat mong sundin ang anumang naaangkop na tagubilin, patakaran, at requirement sa Testing Program, at iba pang dokumentasyon ng produkto na gagawing available sa iyo ng Google;

Puwede mo lang gamitin ang mga Pansubok na Produkto ayon sa pinapahintulutan ng batas, kabilang ang pagsunod sa lahat ng naaangkop na batas at regulasyon sa kontrol sa export at mga sanction; at

Dapat kang sumunod sa Seksyon 4 (Pagiging Kumpidensyal; Pagsasapubliko).

Mga Paghihigpit sa Paggamit

Hindi mo gagamitin at hindi mo papahintulutan ang anumang third party na gamitin ang (mga) Pansubok na Produkto sa anumang sitwasyon para sa anumang bagay maliban sa pinapahintulutan sa Seksyon 3(A) (Pagbibigay ng Lisensya), kasama ang, pero hindi limitado sa:

(1) pamamahagi ng anumang tool na kasama sa Pansubok na Produkto;

(2) pamamahagi o pagbibigay sa anumang third party ng access (direkta man o hindi direkta) sa Pansubok na Produkto (hal., pagbabahagi ng mga sagot sa prompt o Output, gaya ng mga nabuong larawan, video, o musika) o sa anumang kopya o screenshot noon;

(3) paggamit sa Pansubok na Produkto kaugnay ng anumang lubhang mapanganib na aktibidad (kasama ang, pero hindi limitado sa, anumang prompt tungkol sa mga politikal na paksa, karahasan, mga bata, o pornograpiya);

(4) paggamit sa Pansubok na Produkto para mag-develop ng mga produkto o serbisyo na nakikipagkumpitensya sa mga produkto at serbisyo ng Google;

(5) maling paggamit o pag-reverse engineer sa Pansubok na Produkto sa anumang paraan;

(6) pagtatangkang lusutan ang mga pangkaligtasang feature ng Pansubok na Produkto na inilagay para ma-block ang mapaminsalang content, o pagbuo o paggamit ng content na lumalabag sa Kasunduang ito;

(7) paggamit sa Pansubok na Produkto para i-extract o i-replicate ang mga batayang model (hal., mga weight ng parameter); o

(8) pagsasapubliko, pagbabahagi, o pag-post tungkol sa Output, maliban na lang kung malinaw munang sumang-ayon ang Google sa pamamagitan ng pagsulat kaugnay ng bawat pagkakataon (sapat na ang email).

Pagmamay-ari

Sa Google pa rin ang lahat ng karapatan, titulo, at interes sa mga Pansubok na Produkto at anupamang gagawing available sa iyo ng Google sa pamamagitan ng Testing Program.

Pagiging Kumpidensyal; Pagsasapubliko

Tumutukoy ang "Kumpidensyal na Impormasyon ng Google" sa lahat ng impormasyong ihahayag o gagawing available sa iyo ng Google kaugnay ng Testing Program, kasama ang, pero hindi limitado sa, Pansubok na Produkto, website, mga tool, at dokumentasyon ng Pansubok na Produkto, Mga Output, at anupamang materyal o impormasyong ibibigay ng Google kaugnay ng Testing Program, na isinaad na kumpidensyal o karaniwang ituturing na kumpidensyal ayon sa sitwasyon. Hindi ka maghahayag ng Kumpidensyal na Impormasyon ng Google sa anumang third party, maliban kung pinapahintulutan ng Mga Karagdagang Tuntunin ng Generative AI (ibig sabihin, kung may nakasulat na pahintulot muna ng Google o kung iniaatas ng batas). Gagamitin mo lang ang Kumpidensyal na Impormasyon ng Google para lumahok sa Testing Program ayon sa Kasunduang ito. Bukod pa rito, hindi ka puwedeng gumawa ng anumang pampublikong pahayag tungkol sa Kasunduang ito, Pansubok na Produkto, o Testing Program nang walang nakasulat na pag-apruba muna ng Google.

Paggamit para sa Pag-promote at Marketing. Sa pag-promote, pag-market, o pag-demo ng Pansubok na Produkto, posibleng gumawa at mamahagi ang Google ng mga pagpapakita ng mga nagkataong paglalarawan, kabilang ang mga screenshot, video, o iba pang content mula sa mga interaction mo sa Pansubok na Produkto. Ibinibigay mo sa amin ang lahat ng kinakailangang karapatan para sa mga nabanggit na layunin.

Pagsasapubliko. Maliban sa nakasaad sa Seksyon 4(B), walang partidong puwedeng gumawa ng anumang pampublikong pahayag tungkol sa Kasunduang ito, kasama ang, pero hindi limitado sa, Testing Program at (Mga) Pansubok na Produkto, nang walang nakasulat na pag-apruba muna ng kabilang partido (sapat na ang email).

Feedback

Kaugnay ng (Mga) Testing Program, posibleng hilingin ng Google na magbigay ka ng feedback, gaya ng mga suhestyon para pahusayin ang (Mga) Testing Program o Pansubok na Produkto ("Feedback"). Kung magbibigay ka ng Feedback, papahintulutan mo ang Google na makipag-ugnayan sa iyo para sa Feedback, at dapat kang magbigay ng Feedback na (A) totoo; (B) galing lang sa iyo; at (C) walang kumpidensyal na impormasyon ng anumang third party. Bibigyan mo ang Google ng panghabambuhay, hindi mababawi, hindi eksklusibo, pambuong mundo, puwedeng i-sublicense, royalty-free, at ganap na bayad nang lisensya para: (1) gawan ng kopya, ipamahagi, paghanguan, i-perform sa publiko, ipakita sa publiko, at gamitin sa iba pang paraan ang iyong Feedback; at (2) gumawa, magpagawa, mag-import, gumamit, magpagamit, magbenta, magbili, mag-lease, maglisensya, at gumamit sa iba pang paraan ng mga produkto at serbisyo (kabilang ang mga kumbinasyon) na may Feedback mo. Huwag maglagay sa Pansubok na Produkto ng anumang kumpidensyal na impormasyon o anumang data na ayaw mong ma-access o magamit ng Google para pahusayin ang mga produkto nito, kabilang ang mga teknolohiya ng machine learning nito.

Proteksyon ng Data

Posibleng gamitin at ibahagi ng Google ang personal na impormasyong ibibigay mo para patakbuhin ang naaangkop na Testing Program at posible ring gamitin nito ang mga karapatan ng Google, ayon sa Patakaran sa Privacy ng labs.google/fx ng Google sa panahong iyon na nasa https://labs.google/fx/privacy (o iba pang URL na puwedeng ibigay ng Google)

Pagwawakas at Mga Epekto ng Pagwawakas

Awtomatikong mag-e-expire ang Kasunduang ito sa pagwawakas ng Testing Program, at puwedeng wakasan nang mas maaga ng alinmang partido ang Kasunduang ito sa pamamagitan ng pagbibigay ng abiso sa email sa pangunahing contact ng kabilang partido, at legal-notices@google.com iyon para sa Google. Sa pagwawakas o pag-expire ng Kasunduang ito, (A) dapat mong itigil ang paggamit sa Pansubok na Produkto at i-delete o wasakin ang anumang kopya ng lahat ng Kumpidensyal na Impormasyon ng Google na hawak mo, nasa iyo, o kontrolado mo; at (B) patuloy na magkakaroon ng bisa ang lahat ng probisyong dapat patuloy na magkaroon ng bisa ayon sa mga tuntunin o ipinapahiwatig na dapat patuloy na magkaroon ng bisa.

Mga Disclaimer sa Warranty

Ang Pansubok na Produkto ay pang-eksperimentong teknolohiya at posibleng magbigay ito ng hindi tumpak o hindi naaangkop na impormasyon na hindi kumakatawan sa mga pananaw ng Google. Sa sukdulang pinapahintulutan ng batas, (A) ibibigay ng Google ang lahat ng Pansubok na Produkto at iba pang item ayon sa Kasunduang ito nang "ganoon mismo" nang walang anumang uri ng pahayag o warranty; (B) itinatatuwa ng Google at ng mga supplier nito ang lahat ng hayagan, ipinapahiwatig, iniaatas ng batas, at iba pang pahayag, warranty, kundisyon, at garantiya, kabilang ang anumang ipinapahiwatig na warranty ng kakayahang maikalakal, kaangkupan para sa partikular na layunin, at hindi paglabag; at (C) pagwawakas ang tanging remedyo mo ayon sa Kasunduang ito alinsunod sa Seksyon 7.